മികച്ച ഓൾ-ഇൻ-വൺ ലേസർ പ്രിന്റർ; സവിശേഷതകളും വിലയും

ഇന്ത്യയിൽ ഈടുനിൽക്കുന്ന പ്രിന്ററുകൾക്കായി തിരയുന്നവർക്ക് എച്ച്പി, കാനൻ, ബ്രദർ തുടങ്ങിയ ബ്രാൻഡുകളുടെ ലേസർ മോഡലുകൾ മികച്ച തിരഞ്ഞെടുപ്പാണ്. ഇൻക്ജെറ്റ് പ്രിന്ററുകളെ അപേക്ഷിച്ച് ഉയർന്ന പ്രിന്റിംഗ് വേഗത, മികച്ച ടെക്സ്റ്റ് ക്വാളിറ്റി, കുറഞ്ഞ പ്രവർത്തനച്ചെലവ് എന്നിവയാണ് ഇവയുടെ പ്രധാന സവിശേഷതകൾ. 25,000 രൂപയിൽ താഴെ വിലവരുന്ന സെഗ്‌മെന്റിൽ സിംഗിൾ ഫംഗ്ഷൻ പ്രിന്ററുകളും സ്കാനിംഗ്, കോപ്പിയിംഗ് സൗകര്യങ്ങളുള്ള ഓൾ-ഇൻ-വൺ ഓപ്ഷനുകളും ലഭ്യമായതിനാൽ ഇവ വീടുകളിലെ ആവശ്യങ്ങൾക്കും ചെറിയ ഓഫീസുകൾക്കും ഒരുപോലെ അനുയോജ്യമാണ്. കൂടാതെ, മിനിറ്റിൽ 30 പേജുകൾ വരെയുള്ള വേഗത, ഓട്ടോമാറ്റിക് ഡ്യൂപ്ലെക്സ് പ്രിന്റിംഗ്, വൈ-ഫൈ, എയർപ്രിന്റ് തുടങ്ങിയ അത്യാധുനിക വയർലെസ് കണക്റ്റിവിറ്റികളും ഇവ വാഗ്ദാനം ചെയ്യുന്നു. മികച്ച പ്രകടനവും താങ്ങാനാവുന്ന വിലയും ഒത്തുചേരുന്ന ഈ വിഭാഗം പ്രിന്റിംഗ് ആവശ്യങ്ങൾക്കായി ഏറ്റവും അനുയോജ്യമായ ഒന്നാണ്.

HP  Laser 303d:

ചെറിയ ടീമുകൾക്കും (അഞ്ച് ഉപയോക്താക്കൾ വരെ) വ്യക്തിഗത ആവശ്യങ്ങൾക്കുമായി രൂപകൽപ്പന ചെയ്ത ഒരു മോണോക്രോം ലേസർ പ്രിന്ററാണ് HP ലേസർ 303d. പ്രിന്റിംഗ് ആവശ്യങ്ങൾക്കായി മാത്രം നിർമ്മിച്ചിട്ടുള്ള ഈ മോഡൽ, പേജിന്റെ ഇരുവശങ്ങളിലും ഓട്ടോമാറ്റിക്കായി പ്രിന്റ് ചെയ്യാൻ സഹായിക്കുന്ന 'ഓട്ടോമാറ്റിക് ഡ്യൂപ്ലെക്സ്' സൗകര്യം പിന്തുണയ്ക്കുന്നു. മിനിറ്റിൽ 30 പേജുകൾ വരെ (A4) പ്രിന്റ് ചെയ്യാൻ ഇതിന് സാധിക്കും. 1,200 x 1,200 dpi ആണ് ഇതിന്റെ പരമാവധി പ്രിന്റ് റെസല്യൂഷൻ. പ്രതിമാസം 300 മുതൽ 2,300 പേജുകൾ വരെ പ്രിന്റ് ചെയ്യാൻ HP ശുപാർശ ചെയ്യുന്നുണ്ടെങ്കിലും, ഒരു മാസത്തിൽ പരമാവധി 30,000 പേജുകൾ വരെ പ്രിന്റ് ചെയ്യാനുള്ള ശേഷി (Duty Cycle) ഈ പ്രിന്ററിനുണ്ട്.

ഒരേസമയം 250 ഷീറ്റുകൾ വരെ ഉൾക്കൊള്ളാൻ കഴിയുന്ന ഇൻപുട്ട് ട്രേയും 100 ഷീറ്റുകൾ വരെയുള്ള ഔട്ട്‌പുട്ട് ട്രേയുമാണ് ഈ ഉപകരണത്തിലുള്ളത്. A4, A5, B5, Oficio, എൻവലപ്പുകൾ തുടങ്ങി വിവിധ വലുപ്പത്തിലുള്ള പേപ്പറുകൾ ഇത് പിന്തുണയ്ക്കുന്നു; ഇതിൽ A4, Oficio പേപ്പറുകൾക്ക് ഇരുവശങ്ങളിലും പ്രിന്റ് ചെയ്യാനുള്ള സൗകര്യം (Duplex printing) ലഭ്യമാണ്. കണക്റ്റിവിറ്റിക്കായി ഹൈ-സ്പീഡ് USB 2.0 ഉപയോഗിക്കുന്ന ഈ പ്രിന്ററിൽ 256MB മെമ്മറിയും സജ്ജീകരിച്ചിട്ടുണ്ട്. ഒരു ബ്ലാക്ക് ടോണർ കാട്രിഡ്ജും പ്രത്യേകം ഇമേജിംഗ് ഡ്രമ്മും ഉപയോഗിക്കുന്ന ഈ പ്രിന്ററിന് ഒരു വർഷത്തെ ലിമിറ്റഡ് വാറന്റിയും ലഭിക്കും.

HP Laser 303d: ഇന്ത്യയിലെ വില

HP ലേസർ 303d പ്രിന്റർ നിലവിൽ ആമസോണിൽ 13,999 രൂപയ്ക്ക് ലഭ്യമാണ്.

HP  Laser 303dw:

അഞ്ച് ഉപയോക്താക്കൾ വരെയുള്ള ചെറുകിട ഓഫീസുകൾക്കും ടീമുകൾക്കുമായി HP അവതരിപ്പിച്ച കരുത്തനായ മോണോക്രോം ലേസർ പ്രിന്ററാണ് ലേസർ 303dw. കുറഞ്ഞ സ്ഥലത്ത് ഒതുങ്ങിയിരിക്കുന്ന രീതിയിലുള്ള രൂപകൽപ്പനയും മികച്ച പെർഫോമൻസുമാണ് ഈ പ്രിന്ററിന്റെ പ്രധാന ആകർഷണം. മിനിറ്റിൽ 30 പേജുകൾ വരെ പ്രിന്റ് ചെയ്യാനുള്ള വേഗതയും പേപ്പർ ലാഭിക്കാൻ സഹായിക്കുന്ന ഓട്ടോമാറ്റിക് ഡബിൾ സൈഡഡ് പ്രിന്റിംഗും ഇതിൽ ഉൾപ്പെടുത്തിയിട്ടുണ്ട്. 1,200 x 1,200 dpi റെസല്യൂഷനിൽ മികച്ച ക്വാളിറ്റിയുള്ള പ്രിന്റുകൾ നൽകുന്ന ഈ ഉപകരണത്തിൽ 250 ഷീറ്റുകൾ ഉൾക്കൊള്ളുന്ന ഇൻപുട്ട് ട്രേയും 100 ഷീറ്റുകളുടെ ഔട്ട്‌പുട്ട് ട്രേയും സജ്ജീകരിച്ചിരിക്കുന്നു. മാസത്തിൽ പരമാവധി 30,000 പേജുകൾ വരെ പ്രിന്റ് ചെയ്യാൻ ശേഷിയുണ്ടെങ്കിലും, മികച്ച പ്രവർത്തനത്തിനായി 300 മുതൽ 2,300 പേജുകൾ വരെയാണ് കമ്പനി ശുപാർശ ചെയ്യുന്നത്. ചുരുങ്ങിയ സ്ഥലത്ത് വിശ്വസനീയമായ പ്രിന്റിംഗ് ആവശ്യങ്ങൾ ആഗ്രഹിക്കുന്നവർക്ക് തിരഞ്ഞെടുക്കാവുന്ന മികച്ചൊരു ഓപ്ഷനാണിത്.

കണക്റ്റിവിറ്റിയിൽ വിട്ടുവീഴ്ചകളില്ലാത്ത ഈ പ്രിന്റർ വൈ-ഫൈ, വൈ-ഫൈ ഡയറക്ട്, ആപ്പിൾ എയർപ്രിന്റ്, മോപ്രിയ എന്നിവയ്ക്ക് പുറമെ എച്ച്പി മൊബൈൽ ആപ്പ് വഴിയും യുഎസ്ബി വഴിയും എളുപ്പത്തിൽ ബന്ധിപ്പിക്കാം. മികച്ച വേഗതയ്ക്കായി 256 എംബി റാം സജ്ജീകരിച്ചിട്ടുള്ള ഇതിൽ 60 മുതൽ 220 ജിഎസ്എം വരെയുള്ള വിവിധ തരം പേപ്പറുകൾ ഉപയോഗിക്കാൻ സാധിക്കും. എച്ച്പി 181A, എച്ച്പി 181X ടോണർ കാട്രിഡ്ജുകൾ പിന്തുണയ്ക്കുന്ന ഈ ഉപകരണത്തിൽ പേപ്പറുകൾ തനിയെ തിരിച്ചറിയുന്ന ഓട്ടോമാറ്റിക് പേപ്പർ ഡിറ്റക്ഷൻ സംവിധാനവും ഉൾപ്പെടുത്തിയിട്ടുണ്ട്. ഒരു ബ്ലാക്ക് ടോണറും പ്രത്യേകമായ ഇമേജിംഗ് ഡ്രമ്മുമാണ് ഇതിൽ ഉപയോഗിക്കുന്നത്.

HP  Laser 303dw: ഇന്ത്യയിലെ വില

നിലവിൽ ഇന്ത്യയിൽ HP ലേസർ 303dw പ്രിന്ററിന് ആമസോണിൽ 15,999 രൂപയാണ് വില.

Canon imageCLASS MF3010:

വീടുകളിലെയും ചെറിയ ഓഫീസുകളിലെയും ആവശ്യങ്ങൾക്കായി പ്രത്യേകം രൂപകൽപ്പന ചെയ്ത ഒരു ഓൾ-ഇൻ-വൺ മോണോക്രോം ലേസർ പ്രിന്ററാണ് Canon imageCLASS MF3010. പ്രിന്റിംഗ്, സ്കാനിംഗ്, കോപ്പിയിംഗ് എന്നീ മൂന്ന് സൗകര്യങ്ങളും ഒരൊറ്റ ഉപകരണത്തിൽ ലഭ്യമാകുന്ന ഇതിന് മിനിറ്റിൽ 18 പേജുകൾ വരെ പ്രിന്റ് ചെയ്യാനും കോപ്പി ചെയ്യാനും സാധിക്കും. 600 x 600 dpi റെസല്യൂഷനിൽ മികച്ച ഗുണനിലവാരമുള്ള ഔട്ട്‌പുട്ട് നൽകുന്ന ഈ ഉപകരണം ഏത് ചെറിയ സ്ഥലത്തും എളുപ്പത്തിൽ വെക്കാവുന്ന രീതിയിലുള്ള കോംപാക്റ്റ് ഡിസൈനിലാണ് നിർമ്മിച്ചിരിക്കുന്നത്. പ്രതിമാസം പരമാവധി 8,000 പേജുകൾ വരെ പ്രിന്റ് ചെയ്യാനുള്ള ശേഷിയുണ്ടെങ്കിലും, മികച്ച പ്രവർത്തനത്തിനായി മാസത്തിൽ 250 മുതൽ 1,000 പേജുകൾ വരെയുള്ള ഉപയോഗത്തിനാണ് കമ്പനി മുൻഗണന നൽകുന്നത്. കുറഞ്ഞ ചെലവിൽ മികച്ച പ്രകടനവും വിശ്വസനീയമായ സ്കാനിംഗ് സൗകര്യവും ആഗ്രഹിക്കുന്നവർക്ക് തിരഞ്ഞെടുക്കാവുന്ന മികച്ചൊരു മോഡലാണിത്.

600 x 600 dpi ഒപ്റ്റിക്കൽ റെസല്യൂഷൻ നൽകുന്ന CIS സ്കാനറാണ് ഈ പ്രിന്ററിൽ ഉള്ളത്. സോഫ്റ്റ്‌വെയർ സഹായത്തോടെ ഇതിലും ഉയർന്ന നിലവാരത്തിൽ സ്കാൻ ചെയ്യാൻ സാധിക്കും. ഐഡി കാർഡ് കോപ്പി ചെയ്യുന്നതിനും 50 മുതൽ 200 ശതമാനം വരെ സൂം ക്രമീകരിക്കുന്നതിനുമുള്ള പ്രത്യേക സൗകര്യങ്ങൾ ഇതിൽ ഉൾപ്പെടുത്തിയിട്ടുണ്ട്. യുഎസ്ബി വഴി ബന്ധിപ്പിക്കാവുന്ന ഈ ഉപകരണത്തിന് 150 ഷീറ്റുകൾ ഉൾക്കൊള്ളുന്ന ഇൻപുട്ട് ട്രേയും 100 ഷീറ്റുകളുടെ ഔട്ട്‌പുട്ട് കപ്പാസിറ്റിയുമുണ്ട്. വീടുകളിലെയും ചെറിയ ഓഫീസുകളിലെയും മിതമായ ഉപയോഗത്തിന് ഇത് വളരെ അനുയോജ്യമാണ്.

Canon imageCLASS MF3010:ഇന്ത്യയിലെ വില

ഇന്ത്യയിലെ വില ഇന്ത്യയിൽ Canon imageCLASS MF3010 പ്രിന്ററിന് ആമസോൺ ഇന്ത്യയിൽ 18,398 രൂപയാണ് വില.

HP Laser MFP 323dnw:

പ്രിന്റിംഗ്, സ്കാനിംഗ്, കോപ്പിയിംഗ് എന്നീ ആവശ്യങ്ങൾക്കായി ഒരുപോലെ ഉപയോഗിക്കാവുന്ന മികച്ചൊരു മോണോക്രോം പ്രിന്ററാണ് HP Laser MFP 323dnw. മിനിറ്റിൽ 30 പേജുകൾ പ്രിന്റ് ചെയ്യാൻ ശേഷിയുള്ള ഇതിൽ, പേപ്പറിന്റെ ഇരുവശങ്ങളിലും തനിയെ പ്രിന്റ് ചെയ്യുന്ന ഓട്ടോമാറ്റിക് ഡ്യുപ്ലെക്സ് സംവിധാനവുമുണ്ട്. 1200 x 1200 dpi റെസല്യൂഷനിൽ മികച്ച ക്വാളിറ്റി പ്രിന്റുകൾ ഇത് വാഗ്ദാനം ചെയ്യുന്നു.

പ്രതിമാസം പരമാവധി 30,000 പേജുകൾ വരെ പ്രിന്റ് ചെയ്യാമെങ്കിലും, മികച്ച പ്രകടനത്തിനായി മാസത്തിൽ 300 മുതൽ 2,300 പേജുകൾ വരെയുള്ള ഉപയോഗത്തിനാണ് കമ്പനി മുൻഗണന നൽകുന്നത്. 250 ഷീറ്റുകൾ ഉൾക്കൊള്ളുന്ന ഇൻപുട്ട് ട്രേയും 100 ഷീറ്റുകൾ വരെയുള്ള ഔട്ട്‌പുട്ട് ട്രേയും ഇതിലുണ്ട്. സാധാരണ A4 പേപ്പറുകൾക്ക് പുറമെ എൻവലപ്പുകളും ഇതിൽ പ്രിന്റ് ചെയ്യാം. 600 dpi ക്വാളിറ്റിയിൽ സ്കാനിംഗ് സൗകര്യമുള്ള ഈ ഉപകരണത്തിൽ, കോപ്പി ചെയ്യുമ്പോൾ സൈസ് 25 മുതൽ 400 ശതമാനം വരെ ക്രമീകരിക്കാനും ഒരേസമയം 99 കോപ്പികൾ വരെ എടുക്കാനും സാധിക്കും.

കണക്റ്റിവിറ്റിയുടെ കാര്യത്തിൽ യുഎസ്ബി (USB), ഇഥർനെറ്റ് (Ethernet), വൈ-ഫൈ, വൈ-ഫൈ ഡയറക്ട് എന്നീ സൗകര്യങ്ങൾ ഈ പ്രിന്ററിൽ ലഭ്യമാണ്. കൂടാതെ എയർപ്രിന്റ് (AirPrint), മോപ്രിയ (Mopria), എച്ച്പി മൊബൈൽ ആപ്പ് എന്നിവ വഴിയും ഇത് നിയന്ത്രിക്കാം. 256 എംബി മെമ്മറിയും ബട്ടണുകൾ ഉപയോഗിച്ച് പ്രവർത്തിപ്പിക്കാവുന്ന കൺട്രോൾ പാനലും ഇതിലുണ്ട്. പ്രിന്റിംഗ് സമയത്ത് 445 വാട്ട്സ് വരെ വൈദ്യുതി ഉപയോഗിക്കുന്ന ഈ ഉപകരണം സ്ലീപ്പ് മോഡിൽ ഒരു വാട്ടിൽ താഴെ മാത്രമേ വൈദ്യുതി ചിലവാക്കുന്നുള്ളൂ.

HP Laser MFP 323dnw: ഇന്ത്യയിലെ വില

നിലവിൽ ആമസോണിൽ HP Laser MFP 323dnw പ്രിന്ററിന് 21,499 രൂപയാണ് വില.

Brother DCP-L2541DW:

വീടുകളിലെ ആവശ്യങ്ങൾക്കായി പ്രിന്റിംഗ്, സ്കാനിംഗ്, കോപ്പിയിംഗ് സൗകര്യങ്ങൾ ഒരൊറ്റ ഉപകരണത്തിൽ ലഭ്യമാക്കുന്ന കോംപാക്റ്റ് മോണോക്രോം ലേസർ മൾട്ടിഫംഗ്ഷൻ പ്രിന്ററാണ് Brother DCP-L2541DW. മിനിറ്റിൽ 30 പേജുകൾ വരെ പ്രിന്റ് ചെയ്യാൻ ശേഷിയുള്ള ഇതിൽ പേപ്പറിന്റെ ഇരുവശങ്ങളിലും തനിയെ പ്രിന്റ് ചെയ്യുന്ന ഓട്ടോമാറ്റിക് ഡ്യുപ്ലെക്സ് സംവിധാനവുമുണ്ട്.

2400 x 600 dpi ആണ് ഇതിന്റെ പരമാവധി പ്രിന്റ് ക്വാളിറ്റി. ഇതിലെ സ്കാനർ 600 x 2400 dpi റെസല്യൂഷൻ വരെ പിന്തുണയ്ക്കുന്നു. കോപ്പി ചെയ്യുമ്പോൾ ആവശ്യാനുസരണം വലിപ്പം 25 ശതമാനം മുതൽ 400 ശതമാനം വരെ മാറ്റം വരുത്താൻ സാധിക്കും. കൂടാതെ, 100 ഷീറ്റുകൾ വരെ ഉൾക്കൊള്ളുന്ന ഔട്ട്‌പുട്ട് ട്രേയും ഇതിൽ സജ്ജീകരിച്ചിട്ടുണ്ട്.

യുഎസ്ബി (USB), ഇഥർനെറ്റ് (Ethernet), വൈ-ഫൈ (Wi-Fi) തുടങ്ങി വിപുലമായ കണക്റ്റിവിറ്റി സൗകര്യങ്ങളാണ് ഈ പ്രിന്ററിലുള്ളത്. ഇതിലെ വൈ-ഫൈ ഡയറക്ട് സംവിധാനം വഴി വയർലെസ് ആയി പ്രിന്റ് എടുക്കുന്നത് കൂടുതൽ എളുപ്പമാകുന്നു. പ്രിന്ററിന്റെ പ്രവർത്തനങ്ങൾ ലളിതമായി മനസ്സിലാക്കാൻ രണ്ട് വരികളുള്ള ഡിസ്‌പ്ലേയും വേഗത്തിലുള്ള പ്രവർത്തനത്തിനായി 32 എംബി മെമ്മറിയും ഇതിൽ സജ്ജീകരിച്ചിട്ടുണ്ട്.

വയർലെസ് കണക്റ്റിവിറ്റി, പേപ്പറിന്റെ ഇരുവശങ്ങളിലും പ്രിന്റ് ചെയ്യാനുള്ള സൗകര്യം (Auto Duplex), മികച്ച പ്രിന്റ് ഗുണനിലവാരം എന്നിവ ഈ മോഡലിനെ വേറിട്ടു നിർത്തുന്നു. അതിനാൽ പ്രിന്റിംഗ്, സ്കാനിംഗ്, കോപ്പിയിംഗ് ആവശ്യങ്ങൾക്കായി കുറഞ്ഞ സ്ഥലത്ത് ഒതുങ്ങിനിൽക്കുന്ന മികച്ചൊരു പ്രിന്റർ ആഗ്രഹിക്കുന്നവർക്ക് ഇത് തികച്ചും അനുയോജ്യമാണ്.

Brother DCP-L2541DW: ഇന്ത്യയിലെ വില

നിലവിൽ ഇന്ത്യയിൽ ആമസോൺ വഴി Brother DCP-L2541DW പ്രിന്റർ 23,599 രൂപയ്ക്ക്യ്ക്ക് ലഭ്യമാണ്.