ആമസോൺ സമ്മർ സെയിൽ ലൈവ്; 30,000 രൂപയിൽ താഴെ വിലയുള്ള ഈ സ്മാർട്ട് ടിവികൾ കൈവിട്ടു കളയരുത്

ആമസോൺ ഗ്രേറ്റ് സമ്മർ സെയിൽ 2026 ഇന്ത്യയിൽ ആരംഭിച്ചു. സ്മാർട്ട്‌ഫോണുകൾ, ലാപ്ടോപ്പുകൾ, വീട്ടുപകരണങ്ങൾ, ടെലിവിഷനുകൾ തുടങ്ങി വിവിധ വിഭാഗങ്ങളിലായി ആകർഷകമായ ഡിസ്‌കൗണ്ടുകളാണ് ഈ സെയിലിൽ ലഭ്യമാകുന്നത്. തിരഞ്ഞെടുത്ത ഉൽപ്പന്നങ്ങൾക്ക് 65 ശതമാനം വരെ വിലക്കുറവ് ലഭിക്കും. ഇതിനു പുറമെ ബാങ്ക് ഓഫറുകൾ, ക്യാഷ്ബാക്ക്, നോ-കോസ്റ്റ് ഇഎംഐ, എക്സ്ചേഞ്ച് ബോണസ് എന്നിവയിലൂടെ ഉപഭോക്താക്കൾക്ക് കൂടുതൽ ലാഭം നേടാം. പുതിയ ടെലിവിഷൻ വാങ്ങാൻ പ്ലാൻ ചെയ്യുന്നവർക്കായി സാംസങ്, ടിസിഎൽ, ലൂമിയോ തുടങ്ങിയ ബ്രാൻഡുകളുടെ സ്മാർട്ട് ടിവികൾ 30,000 രൂപയിൽ താഴെ വിലയിൽ ആമസോൺ ലഭ്യമാക്കുന്നുണ്ട്.

സാധാരണ ഡിസ്‌കൗണ്ടുകൾക്ക് പുറമെ 2,500 രൂപയോ അതിന് മുകളിലോ ഉള്ള പർച്ചേസുകൾക്ക് 150 രൂപ ക്യാഷ്ബാക്ക് ലഭിക്കും. എച്ച്ഡിഎഫ്സി ബാങ്ക് ക്രെഡിറ്റ് കാർഡ് ഉടമകൾക്ക് ഈസി ഇഎംഐ ഇടപാടുകൾ ഉൾപ്പെടെയുള്ളവയ്ക്ക് 10 ശതമാനം ഇൻസ്റ്റന്റ് ഡിസ്‌കൗണ്ട് സ്വന്തമാക്കാം. നോ-കോസ്റ്റ് ഇഎംഐ, എക്സ്ചേഞ്ച് ഓഫറുകൾ തുടങ്ങിയ അധിക ആനുകൂല്യങ്ങളും സെയിലിലുണ്ട്. എല്ലാ ഓഫറുകളും നിബന്ധനകൾക്ക് വിധേയമാണ്.

ആമസോൺ പ്രൈം അംഗങ്ങൾക്ക് ഗ്രേറ്റ് സമ്മർ സെയിലിൽ കൂടുതൽ ആനുകൂല്യങ്ങൾ ലഭിക്കും. 2,500 രൂപയ്ക്ക് മുകളിലുള്ള ഓർഡറുകൾക്ക് 250 രൂപ ഫ്ലാറ്റ് ക്യാഷ്ബാക്കും രണ്ട് ലക്ഷത്തിലധികം ഉൽപ്പന്നങ്ങൾക്ക് പ്രത്യേക കൂപ്പണുകളും ഇവർക്കായി ഒരുക്കിയിട്ടുണ്ട്. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിക്കുന്നവർക്ക് അഞ്ച് ശതമാനം അൺലിമിറ്റഡ് ക്യാഷ്ബാക്ക് ലഭിക്കും. കൂടാതെ യുപിഐ വഴി പണമടയ്ക്കുന്ന പ്രൈം അംഗങ്ങൾക്ക് എല്ലാ ഓർഡറുകൾക്കും മൂന്ന് ശതമാനം ഡയമണ്ട്സ് റിവാർഡായും ലഭിക്കുന്നതാണ്. യോഗ്യരായ ഉപഭോക്താക്കൾക്ക് അഞ്ച് ശതമാനം വരെ ഉറപ്പായ റിവാർഡുകളും ആമസോൺ വാഗ്ദാനം ചെയ്യുന്നു.

30,000 രൂപയിൽ താഴെ വിലയിൽ മികച്ച സ്മാർട്ട് ടിവികൾ: ആമസോൺ ഗ്രേറ്റ് സമ്മർ സെയിൽ 2026

ആമസോൺ ഗ്രേറ്റ് സമ്മർ സെയിൽ 2026-ൽ എൽജി, ടിസിഎൽ, സാംസങ്, വിഡബ്ല്യു, ലൂമിയോ തുടങ്ങിയ പ്രമുഖ ബ്രാൻഡുകളുടെ സ്മാർട്ട് ടിവികൾക്ക് 30,000 രൂപയിൽ താഴെ വിലയിൽ ആകർഷകമായ ഡിസ്‌കൗണ്ടുകൾ ലഭ്യമാണ്. 43 ഇഞ്ച്, 55 ഇഞ്ച് മോഡലുകൾ ഈ ഓഫറിൽ ഉൾപ്പെടുന്നു. മോഡലുകൾക്ക് അനുസരിച്ച് 4കെ റെസല്യൂഷൻ, ക്യുഎൽഇഡി പാനലുകൾ, ഗൂഗിൾ ടിവി, വെബ് ഒഎസ്, എഐ അധിഷ്ഠിത പിക്ചർ എൻഹാൻസ്‌മെന്റ് തുടങ്ങിയ അത്യാധുനിക ഫീച്ചറുകളും ഇവയിൽ ഒരുക്കിയിട്ടുണ്ട്.

പ്രധാന ഓഫറുകളിൽ എൽജി 43 ഇഞ്ച് 4കെ വെബ് ഒഎസ് ടിവി 28,240 രൂപയ്ക്ക് സ്വന്തമാക്കാം. ടിസിഎൽ 55 ഇഞ്ച് 4കെ ക്യുഎൽഇഡി ഗൂഗിൾ ടിവി 27,240 രൂപയ്ക്കും സാംസങ് 43 ഇഞ്ച് വിഷൻ എഐ 4കെ ക്യുഎൽഇഡി ടിവി 26,902 രൂപയ്ക്കും ലഭ്യമാണ്. വിഡബ്ല്യു 55 ഇഞ്ച് 4കെ ക്യുഎൽഇഡി ടിവി 25,249 രൂപയ്ക്ക് ലിസ്റ്റ് ചെയ്തിരിക്കുന്നു. ഈ പട്ടികയിലെ ഏറ്റവും കുറഞ്ഞ നിരക്കിൽ ലഭിക്കുന്നത് 23,999 രൂപയുടെ ലൂമിയോ വിഷൻ 7 43 ഇഞ്ച് 4കെ ക്യുഎൽഇഡി ടിവിയാണ്. ബാങ്ക് ഓഫറുകളും ക്യാഷ്ബാക്കും പ്രയോജനപ്പെടുത്തുന്നതിലൂടെ ഇവ ഇനിയും കുറഞ്ഞ വിലയിൽ വാങ്ങാൻ സാധിക്കും.