കാഴ്ചയുടെ പുതിയ തലവുമായി ഗൂഗിൾ ടിവി; ജെമിനി അപ്‌ഗ്രേഡ് ഇനി സ്മാർട്ട് സ്‌ക്രീനിൽ!

ഗൂഗിൾ ടിവിയിലെ ജെമിനിക്ക് വൻ അപ്‌ഗ്രേഡ് ലഭിക്കുന്നു. ഉപയോക്താക്കളുടെ കാഴ്ചാനുഭവം മെച്ചപ്പെടുത്തുന്നതിനും, സ്മാർട്ട്‌ഫോണിൽ തിരയാതെ തന്നെ കൂടുതൽ വിവരങ്ങൾ ലഭ്യമാക്കുന്നതിനുമായി മൂന്ന് പുതിയ ആർട്ടിഫിഷ്യൽ ഇന്റലിജൻസ് (AI) ഫീച്ചറുകൾ അവതരിപ്പിച്ചതായി മൗണ്ടൻ വ്യൂ ആസ്ഥാനമായുള്ള ടെക് ഭീമൻ ചൊവ്വാഴ്ച അറിയിച്ചു. ഇതിൽ ഏറ്റവും ശ്രദ്ധേയമായത് പുതിയ 'ലൈവ് സ്പോർട്സ് സ്കോർകാർഡ്' ഫീച്ചറാണ്; ടിവിയിൽ കാണുന്ന കാര്യങ്ങൾക്ക് തടസ്സമില്ലാതെ തന്നെ തങ്ങളുടെ പ്രിയപ്പെട്ട ടീമുകളുടെ സ്കോറുകൾ വേഗത്തിൽ പരിശോധിക്കാൻ ഇത് ഉപയോക്താക്കളെ സഹായിക്കുന്നു.

ഗൂഗിൾ ടിവിയിലേക്ക് ജെമിനിയുടെ പുതിയ ഫീച്ചറുകൾ

ഗൂഗിൾ ടിവിയിലെ ജെമിനിക്ക് വൻ അപ്‌ഗ്രേഡ് ലഭിക്കുന്നു. മൂന്ന് പുതിയ ഫീച്ചറുകൾ അവതരിപ്പിക്കുമെന്ന് ഗൂഗിൾ ഔദ്യോഗിക ബ്ലോഗിലൂടെ അറിയിച്ചു. ഇതിൽ 'റിച്ചർ വിഷ്വൽ ഹെൽപ്പ്' (Richer visual help) കാനഡയിലും യുഎസിലും ലഭ്യമാകുമ്പോൾ, 'ഡീപ്പ് ഡൈവ്‌സ്', 'സ്‌പോർട്‌സ് ബ്രീഫ്‌സ്' എന്നീ ഫീച്ചറുകൾ യുഎസിൽ മാത്രമായി പരിമിതപ്പെടുത്തിയിരിക്കുന്നു. വരും മാസങ്ങളിൽ ഓസ്‌ട്രേലിയ, ന്യൂസിലാൻഡ്, യുകെ തുടങ്ങിയ രാജ്യങ്ങളിലേക്കും ഗൂഗിൾ ടിവിയിലെ ജെമിനി അസിസ്റ്റന്റ് വിപുലീകരിക്കാനും, ഈ വർഷാവസാനം കൂടുതൽ ഉപകരണങ്ങളിലേക്ക് ഇതിന്റെ പിന്തുണ വ്യാപിപ്പിക്കാനും കമ്പനി പദ്ധതിയിടുന്നു.

ഇതിൽ ഏറ്റവും ശ്രദ്ധേയമായത് 'റിച്ചർ വിഷ്വൽ ഹെൽപ്പ്' എന്ന ഫീച്ചറാണ്. ഉപയോക്താക്കളുടെ ചോദ്യങ്ങൾക്കുള്ള ഉത്തരങ്ങൾ ദൃശ്യങ്ങൾ, വീഡിയോകൾ, ടെക്സ്റ്റ് എന്നിവയുടെ സഹായത്തോടെ ടിവി സ്‌ക്രീനിൽ നേരിട്ട് കാണിച്ചുതരാൻ ഇത് സഹായിക്കുന്നു. ഇതിലൂടെ കായിക ഇനങ്ങളുടെ തത്സമയ സ്കോറുകൾ പരിശോധിക്കാനും, പാചക വീഡിയോകൾ കണ്ടെത്താനും, രാത്രി ഭക്ഷണത്തിനുള്ള പ്ലാനുകൾ എളുപ്പത്തിൽ തയ്യാറാക്കാനും ഉപയോക്താക്കൾക്ക് സാധിക്കും.

ഗൂഗിൾ ടിവിയിലെ ജെമിനിയിൽ അവതരിപ്പിച്ച മറ്റൊരു പ്രധാന ഫീച്ചറാണ് 'ഡീപ്പ് ഡൈവ്‌സ്' (Deep Dives). ആരോഗ്യം, സാമ്പത്തികശാസ്ത്രം, സാങ്കേതികവിദ്യ തുടങ്ങിയ വിവിധ വിഷയങ്ങളെക്കുറിച്ച് ജെമിനിയുടെ സഹായത്തോടെ വിശദമായി പഠിക്കാൻ ഇത് അവസരമൊരുക്കുന്നു. ജെമിനി ഉപയോഗിച്ച് ഒരു കസ്റ്റം ഇന്ററാക്ടീവ് സ്ലൈഡ്‌ഷോയിലൂടെ വിഷയങ്ങൾ ലളിതമായി മനസ്സിലാക്കാനും, തുടർ ചോദ്യങ്ങൾ വഴി കൂടുതൽ വിവരങ്ങൾ അറിയാനും ഈ ഫീച്ചർ സഹായിക്കുന്നു. ജെമിനി ആക്ടിവേറ്റ് ചെയ്ത ശേഷം "Dive deeper" എന്ന് ക്ലിക്ക് ചെയ്തോ, അല്ലെങ്കിൽ ഹോം സ്‌ക്രീനിലെ ജെമിനി ടാബിൽ പോയി "Learn" എന്ന് തിരഞ്ഞെടുത്തോ ഇത് ആക്സസ് ചെയ്യാം. വെറുതെ ടിവി കണ്ടിരിക്കുന്ന സമയത്തെ കൂടുതൽ അർത്ഥവത്തായ പഠനാനുഭവമാക്കി മാറ്റാൻ ഈ ഫീച്ചർ സഹായിക്കുമെന്നും, ഉപയോക്താക്കൾക്ക് താൽപ്പര്യമുള്ള വിഷയങ്ങളുമായി കൂടുതൽ സംവദിക്കാൻ ഇത് അവസരമൊരുക്കുമെന്നും ഗൂഗിൾ വ്യക്തമാക്കി.

2025-ൽ ഗൂഗിൾ ടിവിയിലെ ജെമിനിയിൽ 'ന്യൂസ് ബ്രീഫ്‌സ്' (News briefs) എന്ന ഫീച്ചർ ഗൂഗിൾ അവതരിപ്പിച്ചിരുന്നു. ലോകമെമ്പാടുമുള്ള വാർത്തകൾ വേഗത്തിൽ അറിയാൻ ഉപയോക്താക്കളെ ഇത് സഹായിക്കുന്നു. ഇപ്പോൾ ഈ ഫീച്ചർ സ്‌പോർട്‌സ് മേഖലയിലേക്കും കൂടി വിപുലീകരിച്ചിരിക്കുകയാണ്. മത്സരങ്ങൾ തത്സമയം കാണാൻ സാധിക്കാത്തവർക്ക്, പ്രിയപ്പെട്ട ടീമുകളെക്കുറിച്ചുള്ള വാർത്തകളും മത്സരങ്ങളുടെ സംക്ഷിപ്ത വിവരങ്ങളും ഇനി ഇതിലൂടെ അറിയാം. നിലവിൽ എൻബിഎ (NBA), എൻസിഎഎ ബാസ്‌ക്കറ്റ്ബോൾ (NCAA basketball), എൻഎച്ച്എൽ (NHL), എംഎൽബി (MLB), എംഎൽഎസ് (MLS), എൻഡബ്ല്യുഎസ്എൽ (NWSL) എന്നീ ലീഗുകളെയാണ് ഈ ഫീച്ചർ പിന്തുണയ്ക്കുന്നത്.