ഇനി കൂട്ടുകാരോട് പണം ചോദിച്ച് മടുക്കണ്ട! ബിൽ തുക എളുപ്പത്തിൽ വീതിക്കാൻ പേടിഎമ്മിന്റെ പുതിയ ഫീച്ചർ

കൂട്ടുകാരുമൊത്തുള്ള യാത്രകളും ഭക്ഷണച്ചെലവുകളും ഇനി എളുപ്പത്തിൽ വീതിക്കാം! 'സ്പ്ലിറ്റ് ബിൽസ്' (Split Bills) എന്ന പുതിയ ഫീച്ചറുമായി പേടിഎം. ഫ്രണ്ട്‌ഷിപ്പ് ഡേയ്ക്ക് മുന്നോടിയായി അവതരിപ്പിച്ച ഈ ഫീച്ചറിലൂടെ ഗ്രൂപ്പ് ചെലവുകൾ ഒരിടത്തുതന്നെ രേഖപ്പെടുത്താനും, വീതിക്കാനും, പേടിഎം യുപിഐ വഴി കണക്കുകൾ തീർപ്പാക്കാനും സാധിക്കും. ക്യാഷ്, കാർഡ്, മറ്റ് യുപിഐ ആപ്പുകൾ വഴിയുള്ള പേയ്‌മെന്റുകളും ഇതിൽ ട്രാക്ക് ചെയ്യാം.

ഗ്രൂപ്പ് ചെലവുകൾ ട്രാക്ക് ചെയ്യാൻ പേടിഎമ്മിന്റെ 'സ്പ്ലിറ്റ് ബിൽസ്'

ഗ്രൂപ്പ് ചെലവുകൾ കൂടുതൽ എളുപ്പത്തിൽ കൈകാര്യം ചെയ്യാൻ 'സ്പ്ലിറ്റ് ബിൽസ്' സൗകര്യവുമായി പേടിഎം. അധിക ചാർജുകളോ എണ്ണത്തിൽ പരിധിയോ ഇല്ലാതെ കൂട്ടായ ചെലവുകൾ ഗ്രൂപ്പിൽ ചേർക്കാൻ ഇത് സഹായിക്കുന്നു. ഗ്രൂപ്പിന്റെ ആവശ്യാനുസരണം ഓരോ ചെലവും തുല്യമായോ, നിശ്ചിത തുകയായോ, ഷെയറുകളായോ, ശതമാന അടിസ്ഥാനത്തിലോ വിഭജിക്കാവുന്നതാണ്.

ആകെ എത്ര ചെലവായി, ഓരോരുത്തരും എത്ര കൊടുക്കണം, ഇനി ആർക്കൊക്കെ പണം കിട്ടാനുണ്ട് തുടങ്ങിയ കാര്യങ്ങളെല്ലാം ഇതിൽ വ്യക്തമായി കാണാം. പണം അയക്കാൻ ഓർമ്മിപ്പിച്ചുകൊണ്ട് ആപ്പിൽ നിന്ന് തന്നെ നേരിട്ട് മെസ്സേജുകൾ (Reminders) അയക്കാം. അയക്കേണ്ട തുകയും ആളുടെ വിവരങ്ങളും ആപ്പിൽ തനിയെ വരുന്നതുകൊണ്ട്, പേടിഎം യുപിഐ (Paytm UPI) വഴി വളരെ എളുപ്പത്തിൽ പണം കൊടുത്തു തീർക്കാം.

പേടിഎം യുപിഐ, മറ്റ് പേയ്‌മെന്റ് ആപ്പുകൾ, ക്യാഷ്, കാർഡുകൾ അല്ലെങ്കിൽ മറ്റ് ഏതൊരു മാർഗ്ഗത്തിലൂടെയും നടത്തിയ ചെലവുകൾ ഒരേ ഗ്രൂപ്പിൽ തന്നെ രേഖപ്പെടുത്താൻ സാധിക്കുമെന്ന് കമ്പനി വ്യക്തമാക്കുന്നു. ആപ്പിന് പുറത്തുനിന്നും കൈമാറി തീർപ്പാക്കിയ പേയ്‌മെന്റുകൾ 'ലഭിച്ചു' (as received) എന്ന് അടയാളപ്പെടുത്താനും, അങ്ങനെ ചെലവുകളുടെ മുഴുവൻ ചരിത്രവും ഒരിടത്ത് തന്നെ സൂക്ഷിക്കാനും ഉപയോക്താക്കൾക്ക് കഴിയും.

ഈ ഫീച്ചർ ഉപയോഗിക്കുന്നതിനായി പേടിഎം ആപ്പ് തുറന്ന് 'പേ എനിവൺ' (Pay Anyone) വിഭാഗത്തിൽ പോയി 'സ്പ്ലിറ്റ് ബിൽസ്' (Split Bills) തിരഞ്ഞെടുക്കണം. തുടർന്ന് പുതിയൊരു ഗ്രൂപ്പ് ഉണ്ടാക്കുകയോ നിലവിലുള്ളത് തിരഞ്ഞെടുക്കുകയോ ചെയ്യാം. അതിനുശേഷം സുഹൃത്തുക്കളെ (Contacts) ചേർക്കുകയും, ഗ്രൂപ്പിന് പേര് നൽകുകയും ട്രിപ്പ്, ഹോം, കപ്പിൾ അല്ലെങ്കിൽ മറ്റുള്ളവ എന്നിങ്ങനെയുള്ള കാറ്റഗറി തിരഞ്ഞെടുക്കുകയും ചെയ്യാം. ചെലവായ തുകയും അത് ഏത് ഇനത്തിൽപ്പെട്ടതാണെന്നും നൽകിയ ശേഷം, ആരാണ് പണം നൽകിയതെന്നും തുക എങ്ങനെ വിഭജിക്കണമെന്നും തീരുമാനിക്കാം. ഒടുവിൽ ബാക്കിയുള്ള കുടിശ്ശിക തുക പരിശോധിച്ച ശേഷം കണക്കുകൾ തീർപ്പാക്കാവുന്നതാണ്.

ഈ പുതിയ ഫീച്ചറോടെ പേടിഎമ്മിലെ സാമ്പത്തിക കാര്യങ്ങൾ കൈകാര്യം ചെയ്യാനുള്ള സൗകര്യങ്ങൾ കൂടുതൽ വിപുലമായിരിക്കുകയാണ്. സ്പ്ലിറ്റ് ബിൽസിന് പുറമെ ചെലവുകൾ മനസ്സിലാക്കുന്നതിനുള്ള 'സ്‌പെൻഡ് സമ്മറി' (Spend Summary), പേയ്‌മെന്റ് വിവരങ്ങൾ സൂക്ഷിക്കാൻ 'ഡൗൺലോഡ് യുപിഐ സ്റ്റേറ്റ്‌മെന്റ്' (Download UPI Statement), എളുപ്പത്തിൽ പേയ്‌മെന്റുകൾ നടത്താനായി സ്മാർട്ട്‌ഫോൺ ഹോം സ്ക്രീൻ വിജറ്റുകൾ (Widgets), സ്വർണ്ണമാക്കി മാറ്റാൻ സാധിക്കുന്ന 'ഗോൾഡ് കോയിനുകൾ' (Gold Coins) എന്നിവയും പേടിഎം നൽകുന്നുണ്ട്.

കഴിഞ്ഞ വർഷം, പേടിഎം 'ഹൈഡ് പേയ്‌മെന്റ്സ്' (Hide Payments) എന്ന ഫീച്ചറും അവതരിപ്പിച്ചിരുന്നു. പ്രധാന ട്രാൻസാക്ഷൻ ഹിസ്റ്ററിയിൽ (Transaction History) കാണിക്കുന്നതിന് പകരം, തിരഞ്ഞെടുത്ത ഇടപാടുകൾ സുരക്ഷിതമായ മറ്റൊരു വിഭാഗത്തിലേക്ക് മാറ്റാൻ ഇത് ഉപയോക്താക്കളെ സഹായിക്കുന്നു. ആവശ്യാനുസരണം പേയ്‌മെന്റ് വിവരങ്ങൾ ലഭ്യമാക്കുന്നതോടൊപ്പം, ഉപയോക്താക്കൾക്ക് കൂടുതൽ സ്വകാര്യത (Privacy) ഉറപ്പാക്കാനാണ് ഈ ഫീച്ചർ രൂപകൽപ്പന ചെയ്തിരിക്കുന്നതെന്ന് കമ്പനി വ്യക്തമാക്കി.