7,000mAh ബാറ്ററിയുള്ള ഓപ്പോ A6s 4G ഉടനെ ലോഞ്ച് ചെയ്യും; ഫോൺ കമ്പനിയുടെ വെബ്സൈറ്റിൽ ലിസ്റ്റ് ചെയ്തു

ഓപ്പോയുടെ പുതിയ ഫോണായ ഓപ്പോ A6s ആഗോള വിപണികളിൽ ഉടനെ തന്നെ ലോഞ്ച് ചെയ്യുമെന്നു പ്രതീക്ഷിക്കുന്നു. ഓപ്പോയുടെ ഔദ്യോഗിക വെബ്‌സൈറ്റിൽ ഫോണിന്റെ പ്രൊമോഷണൽ ബാനർ ഇതിനകം പ്രത്യക്ഷപ്പെട്ടിട്ടുണ്ട്. വലിയ 7,000mAh ബാറ്ററി ഫോണിൽ ഉണ്ടാകുമെന്നു സ്ഥിരീകരിച്ചിട്ടുണ്ട്. ഓപ്പോയുടെ ഓൺലൈൻ സ്റ്റോറിലും ഈ ഹാൻഡ്‌സെറ്റ് ലിസ്റ്റ് ചെയ്തിട്ടുണ്ട്. ഇതിലൂടെ, ഫോണിൻ്റെ സവിശേഷതകൾ, കളർ ഓപ്ഷനുകൾ, സ്റ്റോറേജ് തുടങ്ങിയ പ്രധാന വിശദാംശങ്ങൾ വെളിപ്പെടുത്തുന്നു. ലിസ്റ്റിംഗ് അനുസരിച്ച്, ഓപ്പോ A6s രണ്ട് കളർ ചോയ്‌സുകളിലും രണ്ട് വ്യത്യസ്ത സ്റ്റോറേജ് കോൺഫിഗറേഷനുകളിലും ലഭ്യമാകും. ഫോൺ സ്നാപ്ഡ്രാഗൺ 685 പ്രോസസറുമായാണ് വരുന്നത്. ഇത് 8 ജിബി റാം, 256 ജിബി വരെ ഇന്റേണൽ സ്റ്റോറേജ് എന്നിവ വാഗ്ദാനം ചെയ്യുന്നു. ഫോണിൽ വലിയ 6.85 ഇഞ്ച് എൽസിഡി സ്‌ക്രീൻ ഉണ്ടായിരിക്കും. ക്യാമറകളുടെ കാര്യത്തിൽ, ഓപ്പോ A6s-ൽ ഡ്യുവൽ റിയർ ക്യാമറ സെറ്റപ്പും ഉൾപ്പെടും. ഡിസൈൻ, ഹാർഡ്‌വെയർ ലേഔട്ട് തുടങ്ങിയ മറ്റ് വിശദാംശങ്ങളും ഔദ്യോഗിക സ്റ്റോർ ലിസ്റ്റിംഗിലൂടെ ദൃശ്യമാകും.

ഓപ്പോ A6s 4G-യുടെ കളർ ഓപ്ഷൻസ്, വിൽപ്പന, വില സംബന്ധിച്ച വിവരങ്ങൾ:

ഓപ്പോ A6s 4G കാപ്പുച്ചിനോ ബ്രൗൺ, ഐസ് വൈറ്റ് എന്നീ രണ്ട് കളർ ഓപ്ഷനുകളിൽ ലഭ്യമാണ്. ലോഞ്ചിങ്ങ് ഫോണിന്റെ വിലയെക്കുറിച്ചോ വിൽപ്പന ആരംഭിക്കുന്ന തീയതിയെക്കുറിച്ചോ ഓപ്പോ ഇതുവരെ ഒരു വിവരവും പങ്കുവെച്ചിട്ടില്ല. നിലവിൽ, ഓപ്പോയുടെ ഔദ്യോഗിക വെബ്‌സൈറ്റിൽ ഈ ഉപകരണം ലിസ്റ്റ് ചെയ്തിട്ടുണ്ട്. ആഗോള വിപണികളിൽ പുറത്തിറങ്ങാൻ പോകുന്ന ഓപ്പോ A6 സീരീസിലെ മറ്റ് സ്മാർട്ട്‌ഫോണുകൾക്കൊപ്പം ഇതും ദൃശ്യമാകുന്നുണ്ട്.

ഓപ്പോ A6s 4G-യുടെ പ്രധാന സവിശേഷതകൾ:

ആൻഡ്രോയിഡ് 15 അടിസ്ഥാനമാക്കിയുള്ള, ColorOS 15-ൽ പ്രവർത്തിക്കുന്ന ഡ്യുവൽ സിം സ്മാർട്ട്‌ഫോണായിരിക്കും ഓപ്പോA6s. 720×1,570 പിക്‌സൽ HD+ റെസല്യൂഷനുള്ള 6.75 ഇഞ്ച് LCD ഡിസ്‌പ്ലേ ഫോണിൽ ഉണ്ടാകും. സ്‌ക്രീൻ 120Hz വരെ റിഫ്രഷ് റേറ്റും 240Hz വരെ ടച്ച് സാമ്പിൾ റേറ്റും പിന്തുണയ്ക്കും. ഇതിനു 1,125nits വരെ പീക്ക് ബ്രൈറ്റ്‌നസ് എത്താൻ കഴിയും, 256 ppi പിക്‌സൽ ഡെൻസിറ്റിയുണ്ട്, 16.7 ദശലക്ഷം നിറങ്ങളെ പിന്തുണയ്ക്കും, കൂടാതെ DCI-P3 കളർ ഗാമട്ടിന്റെ 85 ശതമാനവും ഉൾക്കൊള്ളുന്നു.

അഡ്രിനോ 610 GPU-യുമായി ജോടിയാക്കിയ ഒക്ടാ-കോർ സ്‌നാപ്ഡ്രാഗൺ 685 പ്രോസസറാണ് ഫോണിന് കരുത്ത് പകരുന്നത്. ഓപ്പോ A6s 8GB LPDDR4x റാമും 256GB വരെ UFS 2.2 ഇന്റേണൽ സ്റ്റോറേജും നൽകും. മൈക്രോ SD കാർഡ് ഉപയോഗിച്ച് സ്റ്റോറേജ് വികസിപ്പിക്കാൻ കഴിയും. വശത്ത് ഘടിപ്പിച്ച ഫിംഗർപ്രിന്റ് സ്കാനറാണ് സുരക്ഷ കൈകാര്യം ചെയ്യുന്നത്, കൂടാതെ ഉപകരണത്തിന് പൊടി, ജല പ്രതിരോധം എന്നിവയ്ക്ക് IP69 റേറ്റിംഗും ഉണ്ട്.

ഫോണിന് ഡ്യുവൽ റിയർ ക്യാമറ സജ്ജീകരണമുണ്ടാകും. f/1.8 അപ്പേർച്ചർ, ഓട്ടോഫോക്കസ്, 76 ഡിഗ്രി ഫീൽഡ് ഓഫ് വ്യൂ എന്നിവയുള്ള 50 മെഗാപിക്സൽ സെൻസറാണ് മെയിൻ ക്യാമറ. f/2.4 അപ്പേർച്ചറും 89 ഡിഗ്രി ഫീൽഡ് ഓഫ് വ്യൂവും ഉള്ള 2 മെഗാപിക്സൽ മോണോക്രോം ക്യാമറയും ഉണ്ട്. മുൻവശത്ത്, f/2.4 അപ്പേർച്ചറും 85 ഡിഗ്രി ഫീൽഡ് ഓഫ് വ്യൂവും ഉള്ള 16 മെഗാപിക്സൽ സെൽഫി ക്യാമറയും ഇതിലുണ്ടാകും. 30 ഫ്രെയിംസ് പെർ സെക്കൻഡിൽ 1080p റെസല്യൂഷനിൽ വീഡിയോ റെക്കോർഡിംഗിനെയും ഇതു പിന്തുണയ്ക്കുന്നു.

80W SuperVOOC വയർഡ് ഫാസ്റ്റ് ചാർജിംഗുള്ള ഒരു വലിയ 7,000mAh ബാറ്ററി ഓപ്പോ A6s-ൽ ഉൾപ്പെടും. കണക്റ്റിവിറ്റിയുടെ കാര്യത്തിൽ, ഇത് 4G LTE, Wi-Fi 5, ബ്ലൂടൂത്ത് 5.0, NFC, BeiDou, GPS, GLONASS, Galileo, QZSS എന്നിവയുൾപ്പെടെ ഒന്നിലധികം നാവിഗേഷൻ സിസ്റ്റങ്ങളെ പിന്തുണയ്ക്കും. ഫോണിലെ സെൻസറുകളിൽ പ്രോക്സിമിറ്റി സെൻസർ, ആംബിയന്റ് ലൈറ്റ് സെൻസർ, ഇ-കോമ്പസ്, ആക്സിലറോമീറ്റർ എന്നിവ ഉൾപ്പെടും. ഫോണിന്റെ വലിപ്പം 166.61×78.51×8.61mm, ഭാരം 215 ഗ്രാം എന്നിങ്ങനെ ആയിരിക്കും.